闪婚与“特别快车”|闪婚_新浪财经

◆ 储有明

现在小青年谈恋爱，假使男女双方从介绍认得、谈情说爱，到结婚生小囡像闪电一样快，时髦点个闲话就讲伊拉是“闪婚”。搿种情况，勒了一百年前个上海滩，叫“特别快车”。

火车从一百多年前开始传进上海，最初只有绿皮慢车，后来慢慢叫有了快车，再后来又有了特别快车。特别快车开起来风驰电掣，旅客只要乘上去，就能辣最短个辰光里赶到目的地。

第一个拿特别快车来形容“闪婚”个，是有“中国歌舞之父”称号个音乐家黎锦晖。1929年，他写仔一只流行歌曲《特别快车》，由当时个当红明星王人美演唱。虽然歌词夸张，格调不高，却意外受欢迎。当时上海南京路浪个商店一家挨一家。傍晚时分，下班逛商店、荡马路个人川流不息；家家商店里个收音机里侪勒了放王人美唱个《特别快车》。

金嗓子歌后周璇12岁个辰光考进黎锦晖主办个明月歌舞团；起初只有合唱、群舞个资格。周璇14岁个辰光，有一天，王人美因临时有事勿能登台演出，台下观众起哄，点名要听王人美最拿手个《特别快车》。黎锦晖无奈，只能让周璇临时上台救场。周璇抓牢迭个机会，又是唱歌又是跳舞，超水平发挥，居然一炮打响，马上就有唱片公司来寻伊签约。周璇一生录了数勿清个流行歌曲唱片，第一张录个唱片就是《特别快车》。